به‌شیر حه‌داد: مالكى دانپێدانێ دكه‌ت كو ل هه‌مبه‌رى كوردان شاشی كرینه‌

‌ به‌شیر حه‌داد جێگرێ پێشتر یێ سه‌رۆكێ په‌رله‌مانێ ئیراقێ ل دۆر هه‌لبژارتنێن 10ى ئۆكتۆبه‌رێ راگه‌هاند، هه‌موو لایه‌ك دیده‌ڤانییا وێ یه‌كێ دده‌ن كو هه‌لبژارتنه‌كا شه‌فاف و و سه‌ركه‌فتى هاته‌ كرن، هه‌روه‌سا د كه‌ش و هه‌وایه‌كێ ئارامدا ب رێڤه‌چوو.

دیاركر ژى، بۆ رێكارێن پێكئینانا حكومه‌تا نوى یا ئیراقێ، په‌رله‌مانێ ئیراقێ دێ كۆمبوونه‌كا نوى سازكه‌ت ژ بۆى كو سه‌رۆكێ په‌رله‌مانى و سه‌رۆك كۆمارى هه‌لبژێریت، پاشان سه‌رۆك كۆمار دێ فراكسیۆنا مه‌زن راسپێریت بۆ پێكئینانا كابینا نوى یا حكومه‌تێ.

به‌شیر حه‌داد ل دۆر نێرینا مالكى ده‌رباره‌ى پرسێن گرێداى كوردان گۆت ژى، مالكى دانپێدانێ ب شاشیێن خوه‌ دكه‌ت كو د كابینه‌یێن بوریدا شاشی ل دژى كوردان كرینه‌ و د كابینه‌یێن بهێتدا ئه‌و شاشی دووباره‌ نابن.

حه‌داد ل دۆر ئه‌نجامێ هه‌لبژارتنێن په‌رله‌مانێ ئیارقێ ژى گۆت: ئه‌و لایه‌نێن كورسیێن كێم ب ده‌ستڤه‌ ئیناینه‌، تووشی حیبه‌تییێ نه‌بووینه‌، چونكى وان پێشتر دزانى كو ده‌نگده‌رێن وان ژ وان توڕه‌نه‌ و جاردن باوه‌ریێ ب وان ناده‌نه‌ڤه‌.