نێچیرڤان بارزانى، سەرۆکێ هەرێما کوردستانێ، ئەڤڕۆ پێنجشەمبى 2021/10/21 پێشوازى ل “مارک برایسن ریچاردسن”، باڵیۆزێ بریتانیا ل عێراقێ کر.
د كۆمبوونێدا پەیوەندیێن هەرێما کوردستانێ و عێراقێ ل گەل بریتانیا، دوای پێشهاتێن ره‌وشا عێراقێ، هەڵبژارتنێن جڤاتا نوونەران و ئەنجامێن وێ، پێشکه‌فتنا پڕۆسێ ل چاڤ جارێن چوویى و گرنگییا ئێكلایكرنا هه‌ر كێشه‌كێ ب رێكارێن یاسایى
پەیوەندیێن هەولێر ـ بەغدا، سەردانا هه‌یڤا بورى یا نێچیرڤان بارزانى بۆ لەندەن، پێنگاڤێن به‌رهنگاربوونا په‌ژیكا كۆرۆنایێ و شه‌رێ تیرۆرێ و به‌رهنگاربوونا داعشێ هاتنه گۆتوبێژكرن.
هه‌ردوو ئالیان جه‌خت ل به‌ره‌ڤ پێشڤه‌چوونا په‌یوه‌ندییان كره‌ڤه و هه‌ڤرابوون ل هندێ كو حكومه‌تا داهاتى یا عیراقێ به‌رسڤدانێ ل سه‌ر خواستێن وه‌لاتیان بده‌ت.
د پشكه‌كا دییا كۆمبوونێدا نێچیرڤان بارزانى جه‌خت ل گرنگییا ئێكرێزییا ئالیێن كوردستانێ ل به‌غدا و بزاڤێن سه‌رۆكایه‌تییا هه‌رێما كوردستانێ بۆ ڤێ چه‌ندێ كرییه، هه‌روه‌سا سوپاسییا پشته‌ڤانی و هه‌ڤكارییا بریتانییا بۆ عیراقێ و هه‌رێما كوردستانێ كر، و ئاماژه دا ب به‌رده‌وامى و پێداچوونا ئه‌نجامێن سه‌ره‌دانا وى بۆ له‌نده‌ن و دیدار و كۆمبوونێن وى دگه‌ل سه‌رۆك وه‌زیران و به‌رپرسێن دىێن بریتانیا و په‌سنا رۆلێ بالیۆزخانێ و كونسولخانا بریتانیا ل به‌غدا و هه‌ولێرێ كر.
