مه‌سرور بارزانى پێشوازی ل نوونەرا تایبەتا سکرتێرێ گشتیێ نەتەوێن ئێكگرتى ل عێراقێ كر 

مەسرور بارزانی سەرۆکێ حکومەتا هەرێما کوردستانێ، ئه‌ڤرۆ پێنجشه‌مبى 14-10-2021 پێشوازی ل جینین هێنیس-پلاسخارت نوونەرا سکرتێرێ گشتیێ نەتەوێن ئێكگرتى ل عیراقێ كر. 

د كۆمبوونێدا گۆتوبێژ ده‌رباره‌ی داوى پێشهاتێن ل عیراقێ و پرۆسه‌یا هه‌لبژارتنێن جڤاتا نوونه‌ران هاته‌ كرن، و رۆلێ چاڤدێرێن نێڤده‌وله‌تى و نه‌ته‌وێن ئێكگرتى، د پشته‌ڤانیی و سه‌رخستنا پرۆسه‌یا هه‌لبژارتان بلند هاته‌ هه‌لسه‌نگاندن، هه‌ردوو لایه‌ن ژى خوازیاربوون كو حكومه‌تا داهاتى یا عیراقێ، حكومه‌ته‌كا گشتگیربیتو بێى جوداهى خزمه‌تا هه‌موو پێكهاته‌ و وه‌لاتیێن عیراقێ بكه‌ت.