وەزارەتا کارەبا ئیراقێ راگەھاند، ھنارتنا غازێ ژ ئیرانێ و ژ ئەگەرێ نەدانا قەران کێمبوویە و ئەڤێ ژی کارتێکرن کرییە سەر ئاستێ بەرھەمئینانێ ل ویستگەھا کارەبێ.
ئەحمەد مووسا، پەیڤدارێ وەزارەتا کارەبا ئیراقێ راگەھاند، ئیرانێ ھنارتنا غازا سروشتی بۆ ئیراقێ ژ پێنج ملیۆن مەترێن سێجا بۆ سێ ملیۆن مەترێن سێجا کێمکرییە، ئەگەرێ وێ ژی بۆ قەران ڤەدگەریت.
ئەحمەد مووسا ئاشکرا ژی کر، بریارا کێمکرنا ھنارتنا غازێ پشتی دو حەفتیان ژ بریارا کێمکرنا ئاستێ ھنارتنێ ژ ٥٠ ملیۆن مەترێن سێجا بۆ پێنج ملیۆن مەترێن سێجا ڤەدگەریتەڤە، داخواز ژی ژ وەزارەتا داریی کرییە کو بزاڤێن خوە بۆ دانا قەرێن ئیرانێ چڕ بکەن.
پەیڤدارێ وەزارەتا کارەبێ ھۆشداری ژی دان، کو ئەگەرێ نەدانا قەران مەترسی ھەنە کو تەماما سیستەمێ کارەبێ ل ئیراقێ لاواز بیت.
