پارێزگارێ دهۆکێ دگەل سەرۆک وەزیرێن ئیراقێ کۆمبوو

د.عەلی تەتەر” پارێزگارێ دهۆکێ ئەڤرۆ رۆژا شەمبی ٢٠٢١/٩/١١ ل بەغدا یا پایتەختێ عیراقێ و دگه‌ل شاندێ پارێزگارێن هەرێما کوردستانێ دگەل موستەفا کازمی، سەرۆکوەزیرێن ئیراقێ و ب ئاماده‌بوونا فوئاد حسێن کۆمبوون.

دکۆمبوونێدا دانوستاندن ل دور رەوشا پرۆژێن خزمەتگۆزاری و پێدڤیێن وه‌لاتییان هاتەکرن، ئەڤ تەوەرێن ل خوارێ هاتنە گۆتوبێژكرن:

-دابینکرنا په‌ترۆلا سپی بۆ پارێزگەهێن هەرێما کوردستانێ ئالیێ حکۆمەتا فیدرالی ڤە.

– خەرجکرنا بۆدجا پەرەپێدانێ بۆ پارێزگەهێن هەرێما کوردستانێ.

-رەخساندنا دەلیڤێن یەکسان و زەمینەیەکا گۆنجایی بۆ هەموو کاندیدێن جڤاتا نۆینەرێن ئیراقێ دهەوا بانگەشەیا هەلبژارتنان دا ب تایبەتی ل دەڤەرێن کوردستانی یێن دەرڤەیی ئیدارا هەرێما کوردستانێ.

– بۆدجا پێدڤی بۆ هێزێن نافخۆ و یەکێن کارگێری ل هەرێما کوردستانێ بۆ ب رێڤەبرنا ئەرکێن خۆ هەتا ب دوماهی هاتنا هەوا بانگەشە هەلبژارتنان و راگەهاندنا ئەنجامێن جڤاتا نۆینەرێن عیراقێ.