<h2><span style="font-size: 18pt;">ئاژانسا خانى،هه‌ژار مه‌عروف:</span></h2> <h2><span style="font-size: 18pt;">یانا دالكورد ده‌رگه‌هـ ل هه‌موو ئه‌و یانێن هه‌ڤركیا ده‌ستڤه‌ئینانا ستێرا وێ هارون ئه‌حمه‌د دكه‌ن گرت، پشتى گه‌هشتیه رێككه‌فتنێ دگه‌ل وى یاریزانى بوو درێژكرنا هه‌ڤبه‌ستێ.</span></h2> <h2><span style="font-size: 18pt;">ل دیڤ پێزانین كه‌ڤتینه به‌ر ده‌ستێ ئاژانسا خانى به‌رى ده‌مه‌كێ كێم یانا دالكورد ب فه‌رمى گه‌هشته رێككه‌فتنێ دگه‌لى وى یاریزانى بۆ درێژكرنا هه‌ڤبه‌ستێ بۆ دو سالێن بهێت هه‌تا داویا مه‌ها چریا دووێ یا 2023ێ.</span> <span style="font-size: 18pt;">هارون ئه‌حمه‌د كورێ باژێرێ ئاكرێ و یاریزانێ به‌رى نوكه دهۆك و زاخۆ ل وه‌رزێ ئه‌ڤ ساله شیابوو ئاسته‌كێ بلند پێشكێش بكه‌ت دخۆلا پلا دو یا سوید .</span></h2> <h2><span style="font-size: 18pt;">هارون ئه‌حمه‌د، </span><span style="font-size: 18pt;">ژبه‌ر ئاستێ وى باش ببوو، ببوو جهێ گرنگیا چه‌ندین یانێن ناڤخوه یێن خۆلا ئیراق و سوید هه‌ردیسان یانه‌كا كویتێ.</span></h2> <h2><span style="font-size: 18pt;"> داویێ دالكورد ده‌رگه‌هـ به‌رامبه‌ر هه‌موو یانان گرت و ب فه‌رمى گه‌هشته رێككه‌فتنێ دگه‌ل وى ستێرا كورد هه‌ڤبه‌ستا ئه‌وى درێژكر هه‌تا داویا سالا 2023 و بریاره ل چه‌ند ده‌مژمێرێن بهێت هه‌ڤبه‌ستا ئه‌وى ب فه‌رمى بهێته راگه‌هاندن.</span></h2>
