جمعە عەلی دوکاندارەکێ شێلادزێ یە بۆ خانی نیوز دیارکر، گرتنا رێکێن ھاتنوچوونێ و شوستەیان ژئالییێ دوکانداران ڤە کارەکێ نەرەوایە و وەلاتییان بێزار دکەت، ھەروەسا جوانی و سیمایێ بازاری و باژێری کرێت کریە و گۆت: گەلەک دوکاندار کەلوپەلێن خوە دبەنە سەر سەر شوستەی و پشکەکا جادێ ژی دگرن، ھیڤی ژی دکەن لێژنا نەھێلانا زێدەگاڤیان چارەیەکێ ل وێ یەکێ بکەن.
وەلاتیەک بناڤێ نسرەت رەمەزان ئاشکرا کر، ئەو ژ گرتنا شوستە و جادان ژ ئالیێ دوکانداران ڤە دلگرانن و بێزارن، ژبەرکو رێ ل ھاتنوچوونێ دھێتە گرتن و سیمایێ باژاری ژی تێکددەت.
ژلایێ خوەڤە ئەشقی ھەمزە، سەرۆکێ ھۆبا نەھێلانا زێدەگاڤیان ل باژێرڤانییا شێلادزێ دیارکر، ئەو ھەمو ھەیڤان جارەکێ سەرەدانا ناڤ بازاری دکەن و ھەر دوکاندارەکێ زێدەگاڤیێ بکەت و کەلوپەلێن ببەتە سەر رێکا پەیادە یان رێکێن ترومبێلێن وەلاتیان دێ ب کوژمەکێ پارەی ھێتە سزادان، ھەکە پێگیریێ ژی ب بریارا وان نەکەن دێ دوکانا وی ھێتە داخستن.
