<h3 style="text-align: justify;"><span style="font-size: 18pt;">حكومه‌تا هه‌رێما كوردستانێ كوژمێ زێده‌تری 177 ملیۆن دینار بۆ قشلا ئاكرێ ته‌رخانكرن.</span></h3> <h3 style="text-align: justify;"><span style="font-size: 18pt;">هیوا شه‌مال، رێڤه‌به‌رێ شینوارێن ئاكرێ بۆ خانی نیوز گۆت: قشلا ئاكرێ دێ هێته نووژه‌نكرن و ئه‌ڤه ژی ل سه‌ر بوودجا وه‌به‌رهێنانا وه‌زاره‌تا باژێرڤانی و گه‌شتوگوزارێ یه كو كوژمێ 177.098.200 دیناران بۆ نووژه‌نكرنا قشلێ هاتینه ته‌رخانكرن و هه‌رچه‌نده ئه‌و كوژمه تێرا نووژه‌نكرنا هه‌موویێ ناكه‌ت، لێ دكارن وان مه‌ترسیێن نها رووبروو دبیتێ نه‌هێلن.</span></h3> <h3 style="text-align: justify;"><span style="font-size: 18pt;">قشله دكه‌ڤیته ناڤه‌ندا باژارۆكێ ئاكرێ ل سه‌ر رووبه‌رێ 1492 مه‌ترێن چارگۆشه یه كو ژ دو نهۆم و 40 ژۆران پێكدهێت دگه‌ل حه‌وشه‌كا مه‌زن كو ئێكه ژ قشله‌یێن دیار یێن كوردستانێ و دیرۆكا وێ ڤه‌دگه‌ریته دوماهییا سه‌دێ 19 و ده‌ستپێكا سه‌دێ 20 یێ زاینی.</span></h3> <h3 style="text-align: justify;"></h3> <h3 style="text-align: left;"><span style="font-size: 18pt;">ویــــداد ئه‌مـــین</span></h3>
