وه‌زاره‌تا په‌روه‌ردێ: مه‌ نه‌گۆتییه‌ دێ ده‌رماله‌یێن مامۆستایان خه‌رجكه‌ین

وه‌زاره‌تا په‌روه‌ردا حكومه‌تا هه‌رێما كوردستانێ راگه‌هاند؛ چ بنه‌ما ژ بۆ خه‌رجكرنا ده‌رماله‌یێن مامۆستایان نینن.

سامان سێوه‌یلی، په‌یڤدارێ وه‌زاره‌تا په‌روه‌ردا هه‌رێما كوردستانێ راگه‌هاند؛ چ بنه‌ما بۆ بابه‌تێ خه‌رجكرنا ده‌رماله‌یێن مامۆستایان نینن و وه‌وزاره‌تا په‌روه‌ردێ چ نڤێسنێن فه‌رمی ژی ل دۆر وی بابه‌تی به‌لاڤ نه‌كرینه‌ و دیار ژی كر، ده‌ستكاریكرن د ده‌رماله‌یان دا د ده‌ستهه‌لاتا وه‌زاره‌تێ دا نینه‌.

چه‌ندین رۆژه‌ نڤێساره‌ك ل سه‌ر ناڤێ وه‌زاره‌تا په‌روه‌ردێ ل سۆشیال مه‌دیایێ به‌لاڤبووی ل دۆر خه‌رجكرنا ده‌رماله‌یێن مامۆستایان و چه‌وانییا خه‌رجكرنا وێ ژی ئێخستینه‌ سه‌ر پشكان و وه‌زاره‌تا په‌روه‌ردێ ژی ئه‌و بابه‌ته‌ ره‌ت كر.