ل سنۆرێ پارێزگه‌ها دھۆكێ، دێ یەكەیێن ئاكنجیبوونێ بۆ وه‌لاتیێن كێم دەرامەت هێنه دروست كرن و رێڤەبەرێ ئاڤەدانكرنا دھۆكێ دبێژیت، پشكه‌ك ژ وان شوقان د قۆناغا دووماهیێ دانه و پشتی تەمامبوونێ دێ ل سه‌ر خەلكێ كێم دەرامەت هێنه دابەش كرن.
ئیسماعیل میرخان، رێڤەبەرێ ئاڤەدانكرنا دھۆكێ راگەهاند: ل سنۆرێ پارێزگه‌ها دھۆكێ دێ دو ھزار و ٤٤٠ یەكەیێن ئاكنجیبوونێ، كو پێكھاتینه ژ هژمارەكا شوققەیان، دێ هێنه دروست كرن و پشتى ب دووماهى هاتنا وان دێ ل سەر خەلكێ كێم دەرات و ھەژارێن وى سنۆرى دا هێنه دابه‌ش كرن، لدووڤ وان مه‌رجێن حكومەتێ دیار كرین.
هه‌روه‌سا گۆتییه “ئەو شوققێن بۆ خەلكێ كێم دەرامه‌ت دهێنه دروست كرن، پشكه‌ك ژ وان د قۆناغا دووماهییێ دانه، ب تایبەتی ئەوێن دكەڤنە سنۆرێ قەزا زاخۆ و ئەوێن دیتر ژى د قۆناغێن جۆدا دانه.
میرخانى ئاشكرا كر ژى: “یەكه‌یێن ئاكنجیبوونێ ل سنۆرێ پارێزگه‌ها دھۆكێ ل سەر ھەموو قەزایان هاتینه دابەش كرن و ھەر ئێكێ پشكه‌ك بەركەفتییە، بەلێ هژمارا زۆرتر دێ ل سنۆرێ ناحیا فەیدیێ یا سەر ب قەزا سێمێلێ ڤه هێنه دروست كرن، چونكى یا نێزیكى باژێرێ دھۆكێ یه.
