تیپا شاریا یا ھونەرێ مللی ئەڤرۆ دێ پشکداری فەستیڤالەکا ناڤدەولەتی بیت

تیپا شاریا یا ھونەرێ مللی ئەڤرۆ دێ پشکداری حەفتەمین فەستیڤالا ناڤدەولەتی یا کەلتورێن جودا بیت.
شێرزاد میرزۆ، رێڤەبەرێ ھونەری یێ تیپا شاریا یا ھونەرێ مللی بۆ خانی نیوز راگەھاند؛ تیپا شاریا ب رێکا سەنتەرێ ڕایەل، ب ئۆنلاین و ب تابلۆیا خوە یا ب ناڤێ شاھی و شێخانی، دێ پشکداری حەفتەمین فەستیڤالا ناڤدەولەتی یا کەلتورێن جودا بیت و دیار ژی کر، پشکداریکرنا تیپا وان د فەستیڤالێن ناڤدەولەتی دا گرنگییەکا تایبەت ھەیە کو کەلتورێ کوردی و ب تایبەت یێ ئێزیدی نیشا جیھانێ بدەن.
میرزۆ خویا ژی کر، د فەستیڤالێ دا ١٦ وەلاتێن جیھانێ د پشکدارن و د ئەڤرۆ رۆژا دویێ دا تیپا شاریا دێ پشکدار بیت و ژبەر رەوشا نھا یا ڤایرۆسێ کۆرۆنایێ، فەستیڤال ب شێوەیێ ئۆنلاین دێ ھێت کرن.
تیپا شاریا یا ھونەرێ مللی ل سالا ١٩٩٧ ھاتییە دامەزراندن، پشکداری د چەندین ھەلکەفت و فەستیڤالێن کوردستانێ، ئیراقێ، تورکیا و ئیماراتا ئەرەبی دا کرینە.