مه‌كته‌با سیاسییا پارتییا دیمۆكراتا كوردستانێ ب هه‌لكه‌فتا جه‌ژنا بوونا حه‌زره‌تێ مه‌سیح و سه‌رێ سالا نوو، پیرۆزباهى ل خووشك و برایێن كرستیان ل كوردستانێ ب تایبه‌ت و یێن ئیراق و جیهانێ ب گشتى كرن، هیڤیى ژى خواستن ئه‌ڤ جه‌ژنه ب خۆشى و شادى ده‌رباز بیت.
مه‌كته‌با سیاسییا پارتى د په‌یامه‌كێ دا ب هه‌لكه‌فتا بوونا حه‌زه‌رتێ مه‌سیح و سه‌رێ سالا نوو بۆ خووشك و برایێن كرستیان دیار كر، هه‌رێما كوردستانێ هه‌رده‌م ئاخ و وه‌لاتێ پێكڤه‌ژیانێ و لێبۆرینێ بوویه و هه‌موو پێكهاته‌یێن ئۆلى و نه‌ته‌وه‌یى شیاینه سه‌ربلند تێدا بژین و پشكدار بن كو وى كولتورى ب هێز بێخن و بكه‌نه نموونه‌یه‌كا راستینه‌یا ئێكدو قه‌بوولكرنێ و برایه‌تیێ.
مه‌كته‌با سیاسییا پارتى د په‌یاما خوه‌دا پشته‌ڤانییا خوه‌یا ته‌مام بۆ هه‌موو پێكهاته‌یێن ئۆلى و نه‌ته‌وه‌یى دوباره كر و هیڤى خواستن هه‌موو ئالى بزاڤێ بكه‌ن پاشه‌رۆژه‌كا گه‌ش بۆ گه‌لێ خوه دابین بكه‌ن.
