دێریك شۆڤێن، ئه‌و پۆلیسێ ئه‌مریكى یێ سالا بوورى كه‌سه‌كێ ره‌شپیست ده‌سته‌سه‌ركرى و ل بن پێن وى گیانێ خوه ژده‌ستداى، ب 22 سال و نیڤان هاته زیندانكرن.
پشتى ده‌ربازبوونا ساله‌كێ ب سه‌ر كۆشتنا جۆرج فلۆید یێ ره‌شپیست، بزاڤا ره‌شپیستان داخوازا سزادانا وى پۆلیسى ده‌ركر، و ل گوره‌ى داوى بریارا دادگه‌هێ سزایێ 22 سال و نیڤێن زیندانێ ب سه‌ردا هاته سه‌پاندن.
جۆرج فلۆید، ره‌شپیسته‌كێ ئه‌فریقى – ئه‌مریكى بوو و ته‌مه‌نێ وى 46 سال بوون، سالا بوورى ل ده‌مێ ده‌سته‌سه‌ركرنا وى و ل بن پێن دێریك شۆڤین، ئه‌فسه‌رێ پۆلیسان گیانێ خوه ژده‌ست دا.
دێریك شۆڤین یێ ته‌مه‌ن 44 سالى ل سالا 2001ێ ل رێڤه‌به‌رییا پۆلیسێن مینیاپلس ده‌ستبكاربوویه. ل ده‌مێ كاركرنا وى تا نها و ژئه‌گه‌رێ تووندیا وى د كارێ وى دا 18 جاران سكالا ل سه‌ر هاتینه تۆماركرن.
