ژ ئه‌گه‌رێ روودانه‌كا ئاگری ل په‌ترۆلگه‌ها خه‌بات ل پارێزگه‌ها هه‌ولێرێ، سێ كه‌سان گیانێ خوه ژ ده‌ست دا و كه‌سه‌كێ دی ژی برینداربوو.
قائید میرۆ، په‌یامنێرێ خانی نیوز ل هه‌ولێرێ راگه‌هاند؛ تیمه‌كێ په‌ترۆلگه‌ها خه‌بات ل هه‌ولێرێ ئه‌ڤرۆ سات 10 سپێدێ مژوولی سه‌خبێریكرنا كۆگه‌هه‌كا په‌ترۆلێ بوون، ئاگر به‌ربوویه پشكه‌كا كۆگه‌هێ و سێ كه‌سان گیانێ خوه ژ ده‌ست دان و كه‌سه‌كێ دی ژی برینداربوو.
ل گۆر زانیاریێن په‌یامنێرێ خانی نیوز، پشتی ئاگر به‌ربوویه وان، تیمێن هه‌وارهاتنێ و به‌ره‌ڤانییا باژێری هه‌ر زووی گه‌هشتینه جهێ روودانێ و ئاگر ڤه‌مراندن و ڤه‌كۆلین ل دۆر رویدانێ به‌رده‌وامن.
هه‌ولێر، قائید میرۆ
