خانى نیۆز:
پرۆفیسۆر ئیبراھیم کەریمی، زانایێ کوردێ رۆژھەڵاتا کوردستانێ د بوارێ فیزیایێ دا، ژلایێ جڤاتا فیزیا زانانێن کەنەدا ڤە مەدالیا زانستێ ھێرتزبێرگی پێشکێشی وی کرن.
پرۆفیسۆر کەریمی ب رێکا ئینیستاگرامێ فەرمیێ خۆ راگەھاندییە کو وی گۆتارەک د بوارێ فیزیایێ دا کوانتەم پێشکێش کر و دەمژمێرەکێ پشتی ھینگێ ئەو بەشێوەیەکێ فەرمی ژلایێ جڤاتا فیزیازانانێن کەنەداڤە ب مەدالیایا زانستێ ھێرتزبێرگی ھاتە خەلات کرن.
ھەتا نوکە سێ خەڵاتێن مەزن ب شێوێ گرووپی و تاکەکەسی وەرگرتینە. خەڵاتێ ئێکێ دبیاڤێ گەشەپێدانا تەکنەلۆژیا کوانتەمی بووییە، کو ب بھایێ ٨٠ ملیۆن دۆلار بووییە و داینە گرووپێکێ زانستیێ فیزیایی کوانتەمی کو ئیبراھیم کەریمی ژی ئێک ژ وان کەسێن وی گرۆپی بوو.
ھەروەسا خەڵاتێ “جۆن ئیڤانز” و “ناڤەندا نوێکارێ کەنەدا”ژی دوو خەڵاتێن گرنگێن دی ژی پرۆفیسۆر کەریمی نە، ئەو ژی بابەت ل سەر شێوێ وێنەگرتنا مایکرۆسکۆپێن ئەلکترۆنی و ڤەکۆڵین لەسەر چەوانیا گوھۆرینا بلەز یا تیشکێ بوو.
پرۆفیسۆر کەریمی نوکە ل زانکۆیا ئۆتاوا ل کەنەدا مامۆستایە ، ل ناڤەندا ڤەکولینێن “ماکس پلانک”ـی ئەڵمانی مامۆستایێ ڤەکولینایە و ئێکە ژ کەسا‌تێن بەرنیاسێن جیھانی یە د بوارێ فیزیایا کوانتەمی دا..
