وه‌زاره‌تا كۆچ وكۆچبه‌رێن ئێراقێ راگه‌هاند، كو هژمارا ئاواره‌یان ل ئێراقێ وهه‌رێما كوردستانێ ژ 750 هزار خێزانان بووینه 37 هزار خێزان.
كه‌ریم نوورى، بریكارێ وه‌زاره‌تا كۆچ وكۆچبه‌ران ل ئێراقێ ئاشكرا كر، ل دووڤ دوماهیك ئامارێن ئاواران، ژ سه‌رجه‌مێ 37 هزار كه‌سان ب تنێ 30 هزار كه‌س ل كه‌مپێن هه‌رێما كوردستانێ د ئاكنجى بووینه و ئه‌وێن دى ل كه‌مپا فه‌لوجه و ئه‌نبار و نه‌ینه‌وان دژین.
ئاماژه ب وێ چه‌ندێ دا، هژمارا خێزانێن ئاواران پشتى سالا 2014 ، 750 هزار خێزان بوون، نوكه ئه‌و هژماره كێم بوویه و گه‌هشتییه 37 هزار خێزانان، دڤان چه‌ند هه‌یڤێن بوری دا چه‌ندین خێزان زڤرینه‌ڤه ده‌ڤه‌رێن خوه و زێده‌تر ژ50 كه‌مپان هاتنه داخستن.
بریكارێ وه‌زاره‌تا كۆچ وكۆچبه‌ران ل ئێراقێ روونكرییه، 26 كه‌مپێن ئاوران ل هه‌رێما كوردستانێ ماینه، كو 16 كه‌مپ ل دهوكێ نه و 6 كه‌مپ ل هه‌ولێرێ نه و 4 كه‌مپ ل سلێمانى خێزانێن ئاواره‌یێن ئێراقێ تێدا دژین.
