سه‌روكێ ئه‌نجوومه‌نێ پارێزگه‌ها سلێمانیێ راگه‌هاند، سه‌رۆكێن فراكسیۆنێن جڤاتا پارێزگه‌هێ كۆمبوونه‌ك كرییه داكو سه‌ره‌دانا به‌غدا بكه‌ن و د گه‌ل به‌رپرسێن بالایێن ئیراقێ كۆم ببین و داخوازا هاریكاریێ ژێ بكه‌ن و گۆت: چ گاڤ ژ ده‌رڤه‌ى ده‌ستهه‌لاتێن حكومه‌تا هه‌رێما كوردستانێ ناهێنه هاڤێتن.
ئازاد محه‌مه‌د، بۆ خانى نیوز گۆت: هێشتا بریار ل سه‌ر سه‌ره‌دانا شاندێ جڤاتا پارێزگه‌هێ نه‌هاتیه دان، ل ده‌ستپێكێ هه‌موو فراكسیۆن دێ دگه‌ل حزبێن خوه كۆم بن، پاشى كومبوونه‌كا تایبه‌ت یا جڤاتا پارێزگه‌هێ دێ هێته كرن كا دێ شاند سه‌ره‌دانا به‌غدا كه‌ت یان نه.
ئازاد محه‌مه‌د، ئاشكرا ژى كر، هه‌كه شاندێ جڤاتا پارێزگه‌هێ بچیته به‌غدا، ئه‌و پرسێن دێ هێنه گۆتوبێژكرن دێ د جودا بن ژ یێن شاندێ هه‌رێمێ ب سه‌روكاتیا قوباد تاله‌بانی دگه‌ل به‌غدا گۆتوبێژكرین، كو تایبه‌ت بوون ب مووچه‌ى و بوودجه‌ى ڤه.
دووپات ژى كر، چ گاڤه‌ك ناهێته هاڤێتن ژ ده‌رڤه‌ى ده‌ستهه‌لاتێن حكومه‌تا هه‌رێما كوردستانێ دا بیت ، ژبه‌ركو هێشتا بریارا دوماهیێ لسه‌ر چوونا شاندى و داخوازیێن شاندى نه‌هاتینه دان.
خانی نیوز، عه‌زیز هه‌ورامی
