بسپوره‌كێ ئابووری ل ئیراقێ كارێ وان كه‌سان ئاشکرا دکه‌ت، ئه‌وێن ژ ئه‌گه‌رێ نزمبوونا بهایێ دینارێ ئیراقى پتر زیان ڤێ دكه‌ڤیت.
غەدیر عەتار، ئەندامێ جڤاتا ئابووری ل ئیراقێ د بەیانه‌کێ دا، داخواز ژ حكومه‌تێ كریه چاره‌سه‌ریه‌كێ بۆ قەرەبووکرنا وان كه‌سان ببینیت یێن پتر زیان ژ نزمبوونا بهایێ دینارى گه‌هشتیێ.
عەتاری دا دیار كرن کو ئه‌و كه‌سێن پاره ل نك حكومه‌تێ هه‌ی پتر زیان گه‌هشتیێ و دێ 24% ژ سامان خوه ژده‌ست دده‌ن و پێكهاتینه ژ:
– بەلێندەران.
– خۆدانێن كاران.
– جێبه‌جێكارێن پرۆژان.
– کۆمپانیێن کەرتێ تایبه‌ت.
– هەمى ئەو کەسێن پارێ وان ژ لایێ حکوومەتێ دهێته دان.
بانکا ناڤه‌ندى یا ئیراقی بۆ چاره‌كرنا قەیرانا دارایی، رۆژا ئێكشه‌مبى بیستێ دوازدێ دوهزار و بیستێ، بڕیارا نزمبوونا بهایێ دینارى دا و بهایێ سه‌د دۆلارێ ئەمریکی ژ سه‌د و بیست و دوهزاران گەهاندە سه‌د و چل و حه‌فت هزار دیناران.
