مه‌حما خه‌لیل: په‌كه‌كێ هه‌موو شنگال كۆنترۆل كرییه‌

قایمقامێ شنگالێ راگەهاند، ره‌وشا قەزا شنگالێ د ئاسته‌کێ خراب دایه‌، و پەکەکێ كۆنترۆلا ته‌مام ب سەر شنگالێ دا كرییه‌.

مه‌حما خه‌لیل، قایمقامێ شنگالێ بۆ میدیایێن ئیراقى راگه‌هاند، كو هێزێن په‌كه‌كێ هه‌ژموونا ته‌ماما خوه‌ ل سه‌ر قه‌زا شنگالێ سه‌پاندییه‌.
گۆت ژى: چه‌كدارێن په‌كه‌كێ گه‌نجێن شنگالێ بۆ قه‌ندیلى ره‌وانه‌ كرینه‌ ب مه‌ره‌ما راهێنانان و پاشى ڤه‌دگه‌ریننه‌ شنگالێ.

قائیمقامی شنگال ئاماژە ژى كر، ب ڤى ره‌نگى گه‌ه‌لك بزه‌حمه‌ته‌ هه‌لبژارتنێن بهێن یێن ئیراقێ ل وێ ده‌ڤه‌رێ بهێن كرن، چاره‌سه‌ركرنا ره‌وشا نها یا شنگالێ ژى ب تنێ ب رێیا بجهئینانا رێككه‌فتنا د ناڤبه‌را به‌غدا و هه‌ولێرێ یه‌.

پشتى ده‌رێخستنا تیرۆرستێن داعشێ ژ ده‌ڤه‌رێ، شنگال ژلایێ چه‌ند هێزه‌كان و ژ وان ژى چه‌كدارێن په‌كه‌كێ و هێزێن حه‌شدا شه‌عبى و سوپایێ ئیراقێ دهێته‌ ب رێڤه‌برن، د سالا بووری دا، رێككه‌فتنه‌ك دناڤبه‌را حكومه‌تا ئیراقێ و حكومه‌تا هه‌رێمێ دا ب مه‌ره‌ما ڤه‌گه‌ریانا هێزێن پێشمه‌رگه‌ى بۆ شنگالێ هاتبوو ئیمزاكرن، به‌لێ هه‌تا نها ئه‌و رێككه‌فتنه‌ نه‌چوویه‌ د وارێ بجهئینانێ دا.