پارێزگارێ مێرسینێ: هێرشا ل سه‌ر خێزانا كورد چ په‌یوه‌ندى ب بابه‌تێ نه‌ته‌وه‌ى ڤه‌ نینه‌

پارێزگارێ مێرسینێ دلگرانیا خوه‌ ل دۆر هێرشا سه‌ر خێزانا كورد یا خه‌لكێ هه‌ولێرێ دیاركر و راگه‌هاند، ڤه‌كۆلین دگه‌ل هێرشكاران به‌رده‌وامه‌ و ئه‌ڤێ روودانێ چ په‌یوه‌ندى ب بابه‌تێ نه‌ته‌وه‌ى ڤه‌ نینه‌.

عەلی ئیحسان، پارێزگارێ مێرسینێ د مالپه‌رێ خوه‌ یێ فه‌رمى دا دلگرانیا خوه‌ ژ وێ كریارێ راگه‌هاند و گۆت: وه‌لاتیێ بریندار ژ نه‌خۆشخانێ ده‌ركه‌فتیه‌ و ئه‌و خێزان د نها دا ل پارێزگه‌ها وان مێهڤانن و سێ كه‌س هاتینه‌ ده‌سته‌سه‌ركرن و ڤه‌كۆلین ل سه‌ر به‌رده‌وامه‌ و دێ هێنه‌ سزادان.

عەلی ئیحسان دیاركر، بابه‌تى ژ قەبارێ وى مه‌زنتر لێ نه‌كه‌ن، ئه‌ڤه‌ روودانه‌كا نه‌چاڤه‌رێ كرى بوو به‌لێ چ په‌یوه‌ندى ب بابه‌تێ نه‌ته‌وه‌ى ڤه‌ نینه‌.