لژنا ئابووری قایمقامیا قه‌زا به‌رده‌ره‌ش ل مه‌ها ره‌مه‌زانێ ده‌ست ب سه‌ر 3 ته‌نێن كه‌لوپه‌لێن بسه‌رڤه‌چووى ل سه‌نته‌رێ قه‌زا و ناحیا ژ جورێن خوارن و ڤه‌خوارن و كه‌لوپه‌لێن جوانكاریێ دا گرت و ژناڤبرن، هه‌روه‌سا دو جهـ ژى هاتنه داخستن و چار جهـ هاتنه سزادان.
بۆتان بۆتانى، په‌یڤدارێ قایمقامیا قه‌زا به‌رده‌ره‌ش بۆ خانى نیوز راگه‌هاند، ل مه‌ها ره‌مه‌زانێ ب گشتى تا نها لژنا چاڤدێریێ ل ده‌ڤه‌را به‌رده‌ره‌ش، 8 جهـ داخستینه، 12 جـهـ سزاداینه، 45جهـ سۆزنامه ژێ وه‌رگرتیه و 110 جهـ ژى ئاگه‌هداركرینه.
ئاماژه ب هندێ ژى كر، لیژنا چاڤدێریێ به‌رده‌وامى چاڤدێریا جهان دكه‌ت و داخوازێ ژ وه‌لاتیان دكه‌ن هه‌ر جهه‌كێ كه‌لوپه‌لێن بسه‌رڤه‌چووى دیتن لژنێ ئاگه‌هدار بكه‌ن دا ب زووترین ده‌م بگه‌هنه وى جهى و ده‌ست بسه‌ر وان كه‌لوپه‌لان دا بگرن.
