هندستان.. بۆ خوه‌پاراستن ژ کۆرۆنایێ ریخا چێلان دهێته‌ بكارئینان

پشكه‌ک ژ وه‌لاتیێن هندستانێ وەک بزاڤه‌ك بۆ خوه‌پاراستن ژ کۆرۆنایێ ریخا چێلان د له‌شێ خوه‌ دده‌ن و پسپۆر ژى هۆشداریێ ددەن کو وێ رێكێ چ بنەمایێن زانستی نینن.

میدیایێن هندستانى دیار دكه‌ن، ئه‌ڤه‌ چه‌ندین رۆژه‌ بکارئینانا ریخا چێلان وەکو بیروباوەره‌كا ئایینی و جڤاكى كو چێل ل نك وان دپیرۆزن، بۆ خوه‌پاراستن ژ کۆرۆنایێ بوویە دیاردە دناڤا پشكه‌ك ژ وه‌لاتیێن هندستانێ دا.

د ڤى وارى دا زانایێن ساخله‌میێ دیار دكه‌ن، بكارئینانا ریخا چێلان ل دژى کۆرۆنایێ چ به‌لگه‌یێن زانستی نیین‌، ل ‌گه‌ل هندێ ئه‌و چه‌نده‌ دی بیته‌ ئه‌گه‌رێ به‌لاڤبوونا نه‌خۆشییان.
ل‌ ویلایه‌تا “گزجارات” یا هندستانى، هنده‌ك ژ‌ سیخه‌یێن هیندۆسی، حه‌فتیێ جاره‌كێ ریخا چێلا ئاماده‌ دكه‌ن، بۆ هندێ داكو خه‌لك ریخ و میزا چێلان د له‌شێ خوه‌ بده‌ن، ژ پێخه‌مه‌ت ببیته‌ به‌رگرییه‌ك دژی ڤایرۆسێ كۆرۆنایێ.