ھەولێر، قائید میرۆ
وەزیرێ ئاڤاکرنێ سەرەدانا پڕۆژێ رێیا ھەولێر- گۆپال کر و بڕیارە ١٧ی ھەیڤا داھاتی بشێوەیەکی فەرمی بھێتە ڤەکرن، کو دێ کاریگەری لسەر بیاڤێ ھاتن و چوونێ ھەبیت، بتایبەتی بۆ وەلاتیێن پارێزگەھا دھۆکێ.
ئەڤرۆ رۆژا دوشەمبی دانا عەبدولکەریم، وەزیرێ ئاڤاکرنێ سەرەدانا پڕۆژێ رێیا ھەولێر- گۆپال کرو راگەھاند” پڕۆژە بره‌نگه‌كێ پێشکەفتی و گورەی ستاندارێن جیھانی ھاتیە چێكرن و ھەتا ٩٥%ێ پڕۆژە ھاتیە بجهئینان، بڕیارە ل چەند رۆژێن داھاتی بتەمامی بدوماھی بھێت و بکەڤیتە د خزمەتا وەلاتیاندا.
ژلایێ خۆڤەژی ژێدەرەکێ ناڤا پڕۆژەی بۆ خانی نیوز دیارکر” نوکە کارێ جوانکاریێ و رەخێن رێکێ تێنە بجهئینان و بڕیارە ١٧ی ھەیڤا داھاتی د رێو رەسمەکێ فەرمی دا ب بەرھەڤبوونا سەرۆکێ حكومه‌تا ھەرێما کوردستانێ رێکا سەرەکیا ھەولێر- گۆپال بھێتە ڤەکرن.
