خانی نیۆز:
سەرۆکێ ھەرێما کوردستانێ نێچیرڤان بارزانی دھەڤدیتنەکێ دا ل گەل نوونەرا سکرتێرێ گشتی یێ نەتوەیێن ئێکگرتی ل ئیراقێ ڕگەھاند، دڤێت دەستھەلات و لایەنێن ئیراقێ ب گیانەکێ بەرپرسانە سەرەدەریێ ل گەل رەوشا نوکە بکەن.
سەرۆکێ ھەرێما کوردستانێ نێچیرڤان بارزانی و جنین پلاسخارت نوونەرا سکرتێرێ گشتی یا نەتەوەیێن ئێکگرتی ل عیراقێ کومبوون، و دوماھی پێشھاتێن سیاسی ل ئیراقێ و ھەرێما کوردستانێ و دەڤەرێ گەنگەشەکرن.
سەرۆکێ ھەرێما کوردستانێ دوپاتکر، چارەسەرکنا ب ئێکجاریا کێشێن د ناڤبەرا بەغدایێ و ھەولێرێ دا سەقامگیری و تەناھیا ئیراقێ و پێکڤەژیانێ یە.
ھەر دوێ ھەڤدیتنێ دا، جنین پلاسخارت دووپاتکر، ھەبوونا پەیوەندیێن باش د ناڤبەرا ھەولێرێ و بەغدایێ دا د بەرژوەندیا ھەمی ئیراقێ دایە، ھەروەسا پشتەڤانیا خۆ یا تەمام بۆ دانوستاندنێن دناڤبەرا ھەردو ئالیان دا دیارکر، و ھیڤی خواستن ھەمی کێشە بھێنە چارەکرن.
ژ ئالیێ خوڤە نێچیرڤان بارزانی ھیڤی خواست نەتەوەیێن ئێکگرتی بۆ پپشتەڤانیکرن و پالدانا ھەولێر و بەغدایێ بۆ سەرکەفتنا دانوستاندنان د بەردەوام بن، و بۆ چارەکرنا کێشێن دناڤبەرا بەغدا و ھەولێرێ ھەڤکار و ھاریکار بن.
