توركیا رێزێ ل ئێكپارچه‌ییا ئاخ و سه‌روه‌رییا ئیراقێ دکه‌ت
وه‌زیرێ بەرگرییا توركیا، ئه‌ڤرۆ د په‌یوه‌ندییه‌كا تێلەفونی دا دگه‌ل وه‌زیرێ به‌رگرییا ئیراقێ راگەهاند: دێ رێزێ ل سه‌روه‌رییا ئاخا ئیراقێ گرن.
ل دووڤ نووچەیە‌كێ مالپه‌رێ وه‌زاره‌تا به‌رگرییا توركیا، د په‌یوه‌ندییه‌كا ته‌له‌فونى دا دناڤبه‌را خولوسى ئاكار و جومعه عیناددا، په‌یوه‌ندیێن سه‌ربازى و ئێمناهیێ دناڤبه‌را به‌غدا و ئه‌نقه‌رێ گۆتوبێژكرن، وه‌زیرێ به‌رگرییا توركیا راگه‌هاندییه، كو توركیا رێزێ ل ئێكپارچه‌ییا ئاخ و سه‌روه‌رییا ئیراقێ دکه‌ت و پێدڤییه ئیراق یا پشتراست بیت و به‌رى نها ژى ئه‌ڤه سه‌لماندینه، شه‌رێ توركیا دژى تیرۆرێ دێ به‌رده‌وام بیت.
وه‌زیرێ بەرگرییا گۆت ژى، ئارمانجا وان ژناڤبرنا رێكخراوا تیرۆرستی یا كو خوه ل باكوورێ ئیراقێ ڤه‌شارتییه.
