ژ بەر هێرشێن پەکەکێ یێن ئەڤشەڤە ل کێستەی خەلکێ گوند چۆلکرییە و داخواز ژ حکومەتێ دکەن د هەوارا وان بچن
مەحمود کێستەی موختارێ گوندێ کێستە بۆ خانی نیوز راگەهاند؛ چەکدارێن پەکەکێ ئەڤ شەڤە ل سەعەت حەفتی ئێڤاری هێرش کرییە سەر هێزێن تورکیا ل دەشتا رەدێ و زنارێ گوندێ کێستە ل سنورێ ناوچەداریا کانی ماسێ بوویە ئەگەر چەندین توپ نێزیکی گوندی کەفتینە و ئاگر بەربوویە دەوروبەرێن گوندی .
موختارێ گوندێ کێستە دیارکر ژی : نها ب شەڤ گوند هاتییە چۆلکرن و هەموو خێزان ژ گوندی دەرکەفتینە و ب تنێ چار پێنج زەلام ل ناڤا گوندی ماینە ، ترس ژ زیانێن وێ توپبارانێ و شەری ل گوندێ کێستەیە بوویە ئەگەر گوند بهێتە چۆلکرن و ترس و دوو دلیەکا مەزن بۆ خەلکێ گوندی پەیداکرییە شەرو پەڤچوون ههتا نها د بەردەوامن داخوازێ ژ حکومەتا هەرێما کوردستانێ دکەین د هەوارا مەبهێن.
گوندێ کێستە دکەڤیتە سنۆرێ ناحیا کانی ماسێ ب بههانهیا هەبوونا بنگەهـ و بارەگایێن گەریلایێن پەکەکێ، بەردەوام ژلایێ سوپایێ تورکیا و فرۆکەیێن شەرکەر دهێنە بۆمبەباران کرن وتوپبارانکرن
خانى نیوز، هەیوار ستار
