نێچیرڤان بارزانى دێ چیته‌ سلێمانیێ

سه‌رۆكێ هه‌رێما كوردستانێ ئه‌ڤرۆ دێ سه‌ره‌دانا سلێمانیێ كه‌ت و دگه‌ل هه‌ر ئێك ژ ئێكه‌تییا نشتیمانییا كوردستانێ و ته‌ڤگه‌را گۆڕانێ كۆم بیت.

ل گۆره‌ى ئاگاهییان نێچیرڤان بارزانى ئه‌ڤرۆ دێ سه‌ره‌دانا باژارێ سلێمانیێ كه‌ت و د گه‌ل ئێكه‌تییا نشتیمانى و ته‌ڤگه‌را گۆڕانێ ره‌وشا هه‌رێمێ و په‌یوه‌ندیێن د ناڤبه‌را ئالیێن سیاسى دا، په‌یوه‌ندیێن هه‌ولێرێ و به‌غدا، هه‌لبژارتنێن بهێن یێن ئیراقێ و پرسا نڤیسینا ده‌ستوورێ هه‌رێما كوردستانێ گۆتوبێژ كه‌ت.

نێچیرڤان بارزانى دوهى ژى د گه‌ل عه‌لى باپیر، سه‌رۆكێ كۆمه‌لا دادگه‌رییا كوردستانێ و سه‌لاحه‌ددین به‌هائه‌دین، ئه‌میندارێ گشتیێ ئێكگرتوویا ئیسلامى هه‌مان پرس گۆتوبێژ كربوون.