نێچیرڤان بارزانی پەیامەک ل دۆر ھێرشا شڤێدی بەلاڤ کر

سەرۆکێ ھەرێما کوردستانێ پەیامەک ل دۆر ھێرشا داعشێ بۆ سەر ھێزێن پێشمەرگەی ل سنۆرێ بەرەیێ پردێ و دوبز بەلاڤ کر و دوپات کر، چەندین جاران حکومەتا فیدرال و ھەڤپەیمانییا دژی داعشێ ژ ترسا ب ھێزبوونا داعشێ و مفا وەرگرتن ژ ڤالاتییا ئەمنی ل وان دەڤەران ھاتینە ئاگەھدار کرن.
نێچیرڤان بارزانی د پەیاما خوە دا داخواز ژ پەرلەمان و حکوموتا فیدرال و ھەڤپەیمانییا ناڤدەولەتی کر، بلەز کار بکەن بۆ دروستکرنا ھێزەکا ھەڤپشک د ناڤبەرا پێشمەرگەی و سوپایێ ئیراقێ دا ل دەڤەرێن کێشە ل سەر، دا جارەکا داعش وان دەڤەران بۆ کارێن خوە بکارنەئینیت، ژبەرکو ترسەکا مەزنە ل سەر ھەرێما کوردستانێ و ھەموو ئیراقێ و گەفە ل سەر ئاساییشا دەڤەرێ و جیھانێ، بەرھەڤییا ھەرێما کوردستانێ ژی بۆ ھەموو ھاریکارییەکێ بۆ دروستکرنا ھێزەکا ھەڤپەشک دیار کر.
شەڤا بووری تیرۆرستێن داعشێ ل بەرەیێ رۆژئاڤایێ کەرکووکێ ھێرش کرە سەر سەنگەرێن پێشمەرگەیێن کوردستانێ ل نێزیک گوندێ قایەباش ل سنۆرێ باژارکێ پردێ و سێ پێشمەرگە شەھید بوون.