فرۆکەیەکا تورکیا ل زێوا شێخ پیرامووس کەفتە خوارێ

فرۆکەیەکا بچووک یا لێگەریانێ یا تورکیا ل گوندێ زێوا شێخ پیرامووس سەر ب ناحیا بامەرنێ ڤە کەفتە خوارێ و ل نێزیک خێزانەکێ دپەقی و کچەک ب سڤکی برینداربوو .
بەھزاد زێوەی، ئاکنجیێ گوندێ زێوا شێخ پیرامووس بۆ خانی نیوز راگەھاند، فرۆکەیەکا بچووک یا لێگەریانێ یا تورکیا ژ ئەگەرەکێ نەدیار پشتی نیڤرۆیا ئەڤرۆ ل دەمژمێر ٢:٣٠ ل گوندێ زێوا شێخ پیرامووس سەر ب ناحیا بامەرنێ ڤە ل سنۆرێ قەزا ئامێدیێ کێمتر ژ ٥٠٠ مەتران دووری گوندی کەفتە ناڤ رەزەکێ گوندی و دپەقیت وکچەک ب سڤکی برینداربوویە ورەوشا وێ باشە .
بەھزاد زێوەی دیارکر ژی، د ھندەک سازیێن راگەھاندنێ و تۆرێن جڤاکی دا بەلاڤ بوویە کو گوندێ زێوێ ھاتیە تۆپباران کرن، لێ چ راستی بۆ نینە و فرۆکەیەک بوویە کەڤتیە خوارێ و چ زیانێن گیانێ نە بووینە، ب تنێ ترس و دودلییەکا مەزن بۆ خەلکێ گوندێ دروستکرییە.

خانی نیوز، ھەیوار ستار