وه‌زاره‌تا ساخله‌مییێ ل دووڤ داخوازا پێشمه‌رگه‌یه‌كى چوو

ئەڤڕۆ وه‌ڵاتییەک، کو پێشمەرگەیە بۆ داخوازكرنا چارەسەرکرنا دوو زارۆكێن نەخۆش ل سەر جاده‌یا به‌رامبه‌رى جڤاتا وەزیرێن هەرێما کوردستانێ داخوازا هاریكارییێ دكر، د بەرامبەر دا نڤێسینگەها سەرۆکوەزیرێن هەرێما کوردستانێ تیمه‌ک بۆ چارەسەرکرنا زارۆكان راسپارد.

سامان بەرزنجی، وەزیرێ ساخله‌مییا حکومەتا هەرێما کوردستانێ د لاپەڕێ خوه‌ دا د تۆڕا جڤاكییا فەیسبۆکی دا راگه‌هاندییه‌: ل سەر ڕاسپاردەییا نڤیسینگه‌ها سەرۆکێ حکومەتا هەرێما کوردستانێ، تیمه‌كا وەزارەتا ساخله‌مییێ ل دووڤ داخوازا وى پێشمه‌رگه‌یى چوون كو ل سه‌ر جاده‌یێ داخوازا هاریكارییێ دكر.

بەرزنجی ئاماژە دا، ئه‌و زارۆك ئێكسه‌ر هاته‌ ڤه‌گۆهاستن بۆ نەخۆشخانەیا پسپۆڕی ب مەبەستا پشکنین و پێداچوونا ره‌وشا ساخله‌مییا زارۆكان و دابینکرنا چارەسەری و پێدڤیاتێن پزیشکی و هەر ڕێكاره‌ك بۆ گەهشتن بۆ چارەسەرییه‌كا تەمام.