فرەنسا دێ پەیکەرەکی بۆ سەربازەکێ خوە ل دێرەلۆکێ دانیت

ل سالا 1991 وەلاتێ فرەنسا د چارچووڤێ هەڤپەیمانییا ناڤدەولەتی دا ژ بۆ ئێمناهییا دەڤەرێ سەرەدانا کوردستانێ کر

بنگەهەکێ سەربازێن خوە ل ناحیا دێرەلۆکێ سەر ب قەزا ئامێدیێ ڤە بنەجهکرن ژبو ڤەگەراندنا ئێمناهیا دەڤەرێ .

ژێدەرەکی ل ناحیا دێرەلۆکێ بۆ خانی نیوز دیارکر، دوهی کۆنسلێ فەرەنسا سەرەدانا ناحیا دێرەلۆکێ کر و راگەند، ل سالا 1991 دەمێ سەربازەکێ فرەنسی ب ئەرکێ پاقژکرن و راکرنا مین و تێنتیان ل دێرەلۆکێ دکر و ژ ئەنجامێ پەقینا مینەکێ ژیانا خوە ژ دەستدا.

 کۆنسلێ فرەنسا خویاکریە ژی وەلاتێ فرەنسا سەربازێ خو ژبیر ناکەت یێ کۆ ل سالا 1991 ل دێرەلوکێ شەهید بوی وەک رێزگرتن و وەفاداری بۆ وی سەربازی، کۆنسلێ فرەنسا سەرەدانا دێرەلوکێ دکەت و داخازێ ژ رێڤەبەرێ ناحیێ دکەت کو جهەکێ دەست نیشان بکەن داکو پەیکەرەکێ سەربازێ خو ل دێرەلوک دانن .

 وی ژێدەری گۆت ژی: ل دەمەکێ نێزیک دێ پەیکەرێ سەربازی فرەنسی دمەراسیمەکێ دا ب ئامادەبونا کونسلێ فرەنسا ل دێرەلوک هێتە دانن . 

ل چارچوڤێ سەرەدانا خودا کونسلی سەرەدانا گەلیێ شێرانەدا و یێ سەرسورمان بو ب سروشتێ دەڤەرا دێرەلوکێ و ل هیڤیا وێ یەکێ ینە کۆ فرەنسا د پاشەرۆژێ دا هندەک پرۆژان ل دێرەوکێ بجهبینیت.