جڤاتا وه‌زیرێن هه‌رێمێ ئه‌ڤرۆ دێ كۆم بیت

جڤاتا وه‌زیرێن هه‌رێما كوردستانێ ئه‌ڤرۆ سه‌عه‌ت 11:00 به‌رى نیڤرۆ دێ کۆم بیت و چەندین تەوەرێن گرنگ به‌حس كه‌ت، کۆمبوون دێ ل ده‌مژمێر 11:00 به‌رى نیڤرۆ دەستپێکه‌ت.

ل دووڤ راگه‌هاندنه‌كا جڤاتا وه‌زیران،  جڤاتا وەزیرێن ھەرێما کوردستانێ ئه‌ڤرۆ رۆژا چارشه‌مبى دێ ب سەرۆکاتییا مەسروور بارزانی، سەرۆکێ حکومەتا ھەرێما کوردستانێ و ل دۆر چەند تەوەرێن گرنگ کۆم بیت.

د وێ كۆمبوونێ دا دێ داوى پێشھاتێن وارێ ئەمنی ل ھەرێما کوردستانێ و ھێرشێن ڤێ داویێ یێن سەر فرۆکەخانا ناڤدەولەتی یا ھەولێرێ و ھەلوێستی ناڤدەولەتی هێنه‌ به‌حسكرن.

ھەروەسا دێ ھێلێن گشتی و رەشنڤیسێ ئێكێ یێ پرۆژەقانوونا بودجێ ھەرێما کوردستانێ بۆ سالا 2021 د وارێن داهاتى، خەرجی، قەر و پابەندێن دارایی و کورتئینان چەند تەوەرێن دیتر یێن وێ کۆمبوونێ بن.