سه‌رۆكێ حكومه‌تێ ب هه‌لكه‌ڤتا هاتنا مه‌ها ره‌مه‌زانێ په‌یامه‌ك به‌لاڤكر‌‌

سه‌رۆكێ حكومه‌تا هه‌رێما كوردستانێ، ئه‌ڤرۆ دووشه‌مبى 12-4-2021ێ په‌یامه‌ك ب هه‌لكه‌ڤتا هاتنا مه‌ها ره‌مه‌زانا پیرۆز به‌لاڤكر، كو گه‌رمترین پیرۆزباهییان ئاراسته‌ی موسلمانێن كوردستانێ و ئیراقێ و جیهانێ دكه‌ت، داخازێ خودایێ مه‌زن و دلوڤان دكه‌ت كو نڤێژ و رۆژى و لاڤایێن هه‌موویان قه‌بیل بكه‌ت و هاتنا مه‌ها ره‌مه‌زانێ ببیته‌ خێر و خۆشى و ئارامییا زێده‌تر بۆ خه‌لكێ كوردستانێ.

مه‌سرور بارزانى گۆتییه‌، ئه‌و ب ده‌رفه‌ت دزانیت، بۆ هندێ جاره‌كا دى داخوازێ ژ خه‌لكى بكه‌ت كو د پابه‌ند بن ب رێكارێن خوه‌ پاراستنێ و رێنمایێن ساخله‌مییێ، كو باشترین رێكه‌ بۆ خوه‌ پاراستنێ ژ په‌ژیكا كۆرۆنایێ.

سه‌رۆكێ حكومه‌تێ، سوپاسییا مامۆستایێن ئایینی یێن كوردستانێ كر، بۆ هوشیاركرنا جڤاكى و جێبه‌جێكرنا رێنمایێن خوه‌ پاراستنێ، د هه‌ڤكارن و رۆله‌كێ گرنگ وانا هه‌یه‌.