ساخله‌مییا گه‌رمیان هوشدارییه‌ك به‌لاڤكر

رێڤه‌به‌رێ گشتییێ  ساخله‌مییا گه‌رمیان هوشداریه‌ك ده‌ربارێ هژمارا تووشبوویێن ڤایرۆسا كۆرۆنایێ به‌لاڤكر ییه.‌

ئه‌ڤرۆ دووشه‌مبى 12-4-2021 رێڤه‌به‌رێ گشتییێ ساخله‌مییا گه‌رمیان، هۆشداریه‌ك د په‌یجێ خوه‌ یێ فه‌رمی دا ل تۆرا  جڤاكییا فه‌یسبۆكێ به‌لاڤ كر، كو هژمارا تووشبوویێن كۆرۆنایێ هه‌تا راده‌كێ مه‌ترسیدار بلند بوویه‌، ب شێوه‌كى رێژا تووشبوویان گه‌هشته‌ 12 سه‌دێ، ئانكو ژ سه‌د كه‌سان پشكنین بۆ دهێنه‌ كرن، 12 كه‌س تووشى كۆرۆنایێ دبن، هه‌روه‌سا گیان ژ ده‌ستدان ژبه‌ر ڤایرۆسی گه‌له‌ك بلند بوویه‌، ب تنێ ژ دووهى و ئه‌ڤرۆ پێنچ كه‌سان ژ به‌ر كۆرۆنایێ ل سنورێ گه‌رمیان  گیانێ خوه‌ ژ ده‌ست داینه‌.

ساخله‌مییا گه‌رمیان داخواز ژ وه‌لاتییان دكه‌ن ڤان ئاماران گرنگ به‌رچاڤ وه‌ربگرن، رێنمایێن خوه‌ پارێزیێ ب ته‌مامى جێبه‌جێ بكه‌ن، ب شێوه‌كى  دووربن ل قه‌ره‌بالغیێ و تێكه‌لیێن زۆر ، هه‌روه‌سا ماسكى بكاربینن، و ده‌ستێ خوه‌ به‌رده‌وام بشۆن.

د هوشداریێ دا باس ل وێ چه‌ندێ كریه‌، ئه‌ڤان رێكاران‌ دگه‌ل هاتنا هه‌یڤا ره‌مه‌زانا پیرۆز دبیت ژ لایێ وه‌لاتییان ڤه‌ زێده‌تر و دژوارتر لێ بكه‌ن، داكو ئه‌ڤ هه‌یڤه‌ ب سلامه‌تى و ببوریت.