وه‌زاره‌تا ئه‌وقافێ ڕێنمایێن ڤه‌كرنا مزگه‌فتان ڕاگه‌هاندن

وه‌زاره‌تا ئه‌وقاف و كارۆبارێن ئاینى، ئه‌ڤرۆ ئیڤارى 11-4-2021ێ دوو رێنمایێن تایبه‌ت ب ڤه‌كرنا جهێن ئاینى و ده‌رگه‌هێن مزگه‌فتان بریار ل سه‌ر هاته‌ دان.

پشتى كۆمبوونا لیژنا به‌رهنگاربوونا كۆرۆنایێ بریار هاته‌ دان ده‌رگه‌هێن مزگه‌فتان بهێنه‌ ڤه‌كرن، و بۆ پاراستنا گیانێ وه‌لاتییان ژى، پێدڤییه‌ هه‌موو لایه‌ك یێ پابه‌ند بیت، و به‌رۆڤاژى دێ رێكارێن داخستنا مزگه‌فتان هێنه‌ ئه‌نجام دان، و ژ وان بریاران ژى:

 -نڤێژا عه‌یشا و ته‌راویح 35 خوله‌كان زێده‌تر نه‌بیت.

 – خوارن د ناڤ مزگه‌فتێ و ژ ده‌رڤه‌یى مزگه‌فتێ دا نه‌هێته‌ پێشكێشكرن و قه‌ده‌غه‌یه.‌

 – ده‌ستنڤێژ پێدڤییه‌ ل مال بگریت.

– نڤێژكه‌ر پێدڤییه‌ ب ماسك بیت و ب جهنڤێژا خوه‌ ل مال بینیت و خوه‌ دووركرن دناڤبه‌را واندا هه‌بیت.

– مامۆستایێن ئاینى پێدڤییه‌ پیگیرییا ته‌مام ب ده‌نگێن بلند (موكه‌بیره‌) بكه‌ت و ب ماسك و جهنڤێژا خوه‌ بچیته‌ د ناڤ مزگه‌فتێ دا.

– چوونا ده‌ستێ ئێك ب هه‌ر شێوه‌یه‌كى قه‌ده‌غه‌یه‌.

– ل به‌ر ده‌رگه‌هێ هۆلا نڤێژكه‌را ب تنێ دێ دوو كه‌س هه‌بن چ خۆبه‌خش یان فه‌رمانبه‌رێن حكومى یان یێن ب سه‌ر وه‌زاره‌تێ ڤه‌، بۆ مه‌به‌ستا دابه‌شكرنا ماسكان و ته‌عقیمكرنا ده‌ستێن نڤێژكه‌ران.

– هولێن ژنان بهێنه‌ داخستن.

– مامۆستایێ ئایینى د هه‌موو فه‌رزان دا پێدڤییه‌ هوشیارییا رێنمایان بده‌ته‌ نڤێژكه‌ران.

– وه‌عز و شیره‌تێن پشتى نڤێژا ئیڤارى د شه‌ڤێن ره‌مه‌زانێ دا بهێنه‌ قه‌ده‌غه‌كرن.

– گۆتارا ئینى و نڤیژا ئه‌ینیێ ژ نیڤ ده‌مژمێرێ زێده‌تر نه‌بیت.

– پشكا پشكنینا چاڤدێرییا مزگه‌فتان بهێته‌ كرن، و ئه‌و مزگه‌فتا پابه‌ند نه‌بیت ل دووڤ رێنمایان بهێته‌ داخستن.