سباهی شاندا دانوستانكارا هه‌رێمێ دێ چیته‌ په‌رله‌مانى

په‌یڤدارێ فراكسیۆنا پارتى ل په‌رله‌مانێ كوردستانێ ئاشكرا كر، كو شاندا دانوستاندنكارا حكومه‌تا هه‌رێما كوردستانێ دێ چنه‌ په‌رله‌مانێ كوردستانێ و گۆتوبێژان ده‌رباره‌یى ره‌وشا دارییا هه‌رێمێ و رێككه‌فتنا د ناڤبه‌را هه‌ولێر و به‌غدا دا كه‌ن.

پێشەوا هەورامانی، په‌یڤدارێ فراکسیۆنا پارتی، ل پەرلەمانێ کوردستانێ د راگه‌هاندنه‌كێ دا به‌لاڤكرییه‌: ل سەر ڕاستپاردەیا سه‌رۆكێ حكوومه‌تا هەرێما کوردستانێ شاندێ دانوستاندكارێ حكومه‌تێ هاتییه‌ راسپاردن، بۆ هندێ كو ڤێ حه‌فتیێ بهێنه‌‌ په‌رله‌مانی و دگه‌ڵ سه‌رۆكایه‌تییا په‌رله‌مانی و سه‌رۆكێ فراكسیۆنان و هه‌ردوو لێژنە‌یێن دارایی و سامانه‌ێن سروشتى دێ كۆمبن.
په‌یڤدارێ فراكسیۆنا پارتى، ل په‌رله‌مانێ كوردستانێ راگه‌هاندییه‌ ژى، كو د كۆمبوونێ دا دێ گۆتوبێژ ده‌رباره‌ى ره‌وشا دارایى و پرسا رێككه‌فتنا هه‌ولێر و به‌غدا هێته‌ كرن.