<h3 style="text-align: justify;"><span style="font-size: 18pt;">سه‌رۆكێ هه‌رێما كوردستانێ ب سه‌رۆكاتیا شانده‌كێ بلند، گه‌هشت به‌غدا و دێ دگه‌ل هه‌رسێ سه‌رۆكاتیێن ئیراقێ كۆم بیت.</span></h3> <h3 style="text-align: justify;"><span style="font-size: 18pt;">نێچیرڤان بارزانى، سه‌رۆكێ هه‌رێما كوردستانێ ب سه‌رۆكاتییا شانده‌كێ بلند، لگه‌هشتییه به‌غدا و بڕیاره سه‌عه‌ت 2 یێ پشتى نیڤرۆ ئێكه‌م كۆمبوون دگه‌ل سه‌رۆكوه‌زیرێن ئیراقێ مسته‌فا كازمى بكه‌ن و بڕیاره لدووڤ دا دگه‌ل سه‌رۆككۆمارێ ئیراقێ د. به‌رهه‌م سالح كۆم بیت.</span></h3> <h3 style="text-align: justify;"><span style="font-size: 18pt;">ل گۆره‌ى زانیارییان، سه‌ره‌دانا نێچیرڤان بارزانى، په‌یوه‌ندى ب سه‌ره‌دانا و كۆمبوونا دگه‌ل ئێمانوێل ماكرۆن، سه‌رۆكێ فره‌نسا هه‌یه.</span></h3> <h3 style="text-align: justify;"><span style="font-size: 18pt;">جودا ژ ئه‌ڤان سه‌ره‌دانان، بریاره سه‌رۆكێ هه‌رێما كوردستانێ دگه‌ل هه‌ر ئێك ژ عه‌مار حه‌كیم، سه‌رۆكێ ره‌وتا حیكمه، هادی ئه‌ل عامری، سه‌رۆكێ هه‌ڤپه‌یمانیا فه‌تح و محه‌مه‌د حه‌لبووسی، سه‌رۆكێ جڤاتا نوونه‌رێن ئیراقێ كۆم بیت و داوی پێشهات و ره‌وشا ئیراق و كوردستانێ گۆتوبێژبكه‌ن.</span></h3> <h3 style="text-align: justify;"><span style="font-size: 18pt;">پێشتر نێچیرڤان بارزانى سه‌رۆكێ هه‌رێما كوردستانێ د پرێس كۆفرانسه‌كى دا ل پاریس راگه‌هاندبوو؛ كو ئه‌و دێ سه‌ره‌دانا به‌غدا كه‌ت و ناڤه‌رۆكا بابه‌تێن وى دگه‌ل سه‌رۆك ماكرۆنى گۆتوبێژكرین دێ دگه‌ل سه‌رۆكوه‌زیر و سه‌رۆك كۆمارێ ئیراقێ گۆتوبێژكه‌ت.</span></h3>
