داودیێ .. 32 حالەتێن نویێن تووشبوویێن کۆرونایێ هاتن تۆمارکرن

ساخلەمیا قەزا ئامێدیێ راگه‌هاند، د 24 سه‌عه‌تێن بووری دا 32 حالەتێن نوو یێن تووشبوویێن کۆرونایێ ل گوندێ داودیێ هاتنە تۆمارکرن .

مەسعود تاهر، بەرپرسێ تاقیگەها پشکنیان ل نەخۆشخانا ئامێدیێ بۆ خانی نیوز راگەهاند، تیمێن وان پشکنینێن هەرەمەکی و هه‌ژمارەکا نموونان ل گوندێ داودیێ وەرگرتن و وه‌سا دیار بوو د 24 سه‌عه‌تێن بووری دا 32 حالەتێن نوو یێن تووشبوویێن کۆرونایێ هاتینە تۆمارکرن .

مەسعود تاهر گۆت: بەرى چەند رۆژان هه‌ژمارەکا  خەلکێ گوندێ داودیێ تووشی کۆرونایێ ببوون و 60 حالەتێن تووشبوویێن کۆرونایێ هاتبوونە تۆمارکرن و دو کەسان ژی گیانێ خوه‌ ژ ده‌ست دابوون و دگەل 32 حالەتێن ئەڤرۆ هه‌ژمارا وان  بووینە 92 حالەت .

بەری سێ رۆژان بریار هاتیەدان بۆ ده‌مێ دو حەفتیان گوندێ داودیێ بهێتە کەرەنتینەکرن کو ئێک ژ گوندێن کریستیانانە دکەڤیتە سنۆرێ ناحیا بامەرنێ و هه‌ژمارا ئاکنجیێن وێ نێزیکی 200 کەسانە.

خانى نیوز، هەیوار ستار