بالیۆز و نوونەرێ رێکخستنا ئیمسام یا ناڤدەولەتی راگەھاند، ئەو دێ خوارن و جلک و پێدڤیێن رۆژانە بۆ مالا دانعەمر و مالا بێ سەمیانان ل دھۆکێ دابین کەن.
کاوە عەبان، بالیۆز و نوونەرێ رێکخستنا ئیمسام یا ناڤدەولەتی یا سەر ب نەتەوەیێن ئیکگرتی ڤە بۆ خانی نیوز راگەھاند، وان ھەژمارەکا پرۆژان و چالاکییان د ئەڤسالە دا کرینە و چەند پرۆژێن دی ژی ھەنە کو ل دەمەکێ نێزیک دێ ھێنە کرن.
گۆت ژی: بەری نھا وان چەندین پرۆژە بجھئیناینە وەکو بەلاڤکرنا گازێ و ئاھێن خوارنێ و ئامیرێن گەرمکرنێ ل سەر خێزانێن کێم دەرامەت یێن دھۆکێ و خەلکێ کەمپان، ھەروەسا بەلاڤکرنا زێدەتری ١٠ ھزار ماسکان ل سەر قۆتبییان ل قۆتابخانێن ئامادەیی یێن پارێزگەھا دھۆکێ.
کاوە عەبان، بالیۆز و نوونەرێ رێکخستنا ئیمسام یا ناڤدەولەتی دیار ژی کر، وان پلان ھەیە کارەکی بۆ مالا دانعەمران و مالا بێ سەمیانان ل دھۆکێ بکەن و دێ خوارن و جلک و پێدڤیێن وان یێن رۆژانە دابین کە،ن. ھەروەسا دێ ھەژمارەکا مەکینێن دروارێ بۆ خێزانێن رزگاربوویێن دەستێ داعشێ یێن ل کەمپان ئاکنجی دابین کەن.
ئاماژە ب وێ یەکێ ژی دا، ئەو خۆلێن گەشەپێدانا مرۆڤی ژی بۆ تەخێن جودا یێن جڤاکی ل ھەژمارەکا دەڤەران ڤەدکەن و وان پلان ھەیە ل پاشەرۆژێ ل چەند دەڤەرێن دی ژی بکەن.
