د. خالیدا خه‌لیل، ئه‌نداما په‌رله‌مانێ ئیراقێ تایبه‌ت ب خانی نیوز ڕاگه‌هاند، پشتی نه‌ڕازیبوونێن ئیراقێ ئه‌نجۆمه‌نێ وه‌زیران بڕیار دا ب هاریكاریكرنا كێم ده‌رامه‌تان، ژبه‌ر ڤێ چه‌ندێ ئه‌وان وه‌كی لژنا كار ل په‌رله‌مانێ ئیراقێ ب هه‌ماهه‌نگی دگه‌ل ئه‌نجومه‌نێ وه‌زیران رابوونه ب ڤه‌كرنا 153 دوكانان بۆ خه‌لكێ كێم ده‌رامه‌ت ل كه‌مپا دۆمیز.
خالیدا خه‌لیل گۆت ژی، ئه‌و ل سه‌ر ڤی پڕۆژه‌ی كاردكه‌ن و وان ل به‌ره ل جهێن دی ژی دوكان و پڕۆژه‌یان بۆ خه‌لكێ كێم ده‌رامه‌ت ڤه‌كه‌ن ژ بۆ وێ چه‌ندێ كو ببیته رێكه‌ك بۆ هاریكارییا ژیانا وان و ڤه‌كرنا ده‌رگه‌هێن كاری بۆ وان.
ناڤبریێ ل دوور هاریكاریكرنا ئاواره‌ییان گۆت، كێمبوونا هاریكارییان بۆ ئاواره‌یان ژ لایێ ڕێكخراوێن نێڤده‌وله‌تی ڤه ژبه‌ر وێ یه‌كێ یه كو ڤایرۆسێ كۆرۆنایێ به‌لاڤبوویه ل هه‌می جهان و ڕێكخراوێن نێڤده‌وله‌تی كێمبووینه ل هه‌رێما كوردستانێ ژ به‌ر ڤێ چه‌ندێ هاریكاری كێمبووینه.
