روهنكرنه‌ك ژ رێڤه‌به‌رییا گشتییا كاروبارێن ئایینێ مه‌سیحییان

رێڤه‌به‌رییا گشتى یا كاروبارێن ئایینێ مه‌سیحییان: داخوازا لێبورینێ ژ موسلمانێن كوردستانێ و سه‌رجه‌م ئایینان دكه‌ین

رێڤه‌به‌رییا گشتى یا كاروبارێن ئایینێ مه‌سیحییان روهنكرنه‌ك به‌لاڤكرییه‌ و راگه‌هاندییه‌، ئه‌نجامدانا نڤێژا جه‌ژنا قیامێ ب بێ پشكداریكرنا وه‌لاتیێن كریستییان ب رێڤه‌چوو و ب شێوه‌یه‌كێ ئۆنلاین بوویه‌، و سه‌رجه‌م كه‌نیسه‌یێن داخستى، ژبلى ژ كه‌نیسان نه‌بیت، كو ب تنێ نڤیژا جه‌ژنێ تێدا هاتییه‌ ئه‌نجام دان. 
رێڤه‌به‌راتییا گشتى یا كاروبارێن ئایینێ مه‌سیحییان ل وه‌زاره‌تا ئه‌وقاف و كاروبارێن ئایینى د روهنكرنه‌كێ دا به‌لاڤكرییه‌، پابه‌ندبوونا مه‌ ب بریارێن لیژنا بلندا به‌رهنگاربوونا كۆرۆنایێ ل هه‌رێما كوردستانێ، جه‌خت ل پاراستنا ئاشتى و پێكڤه‌ژیانا ئایینى و ته‌بایی د ناڤبه‌را گشت ئایینێن كوردستانێ دكه‌ین، سه‌باره‌ت نڤێژا جه‌ژنا قیامێ كو دووهى ب شه‌ڤێ ب رێڤه‌چوو، چه‌ند روهنكرنه‌ك دیاركرینه‌.
ئه‌نجامدانا نڤیژا جه‌ژنا قیامێ ب بێ پشكدارییا وه‌لاتیێن كریستییان و ب شێوه‌یه‌كێ ئۆنلاین ب رێڤه‌ چوو.

داخوازا لێبورینێ ژ موسلمانێن كوردستانێ و سه‌رجه‌م ئایینان دكه‌ین، كو ئه‌گه‌ر ئه‌ڤێ كریاره‌ ببیته‌ ئه‌گه‌رێ برینداركرنا هه‌ستێن وان.
ئه‌و چه‌نده‌ ژى دیاركر كو مه‌ پێداچوون كرییه‌ بۆ هه‌بوونا هه‌ر كاره‌كێ كو به‌رۆڤاژى بریار و رێنمایێن لژنا بلندا به‌رهنگاربوونا ڤایرۆسێ كۆرۆنایێ بیت.