د. موئه‌یه‌د ئه‌غالى: نها  گه‌له‌ك ژ تووشبوویێن كۆرۆنایێ گه‌نجن

سه‌رپه‌رشتێ چاره‌سه‌ركرنا تووشبوویێن كۆرۆنایێ ل دهۆكێ دیاركر: نها گه‌له‌ك ژ تووشبوویێن كۆرۆنایێ گه‌نجن كو 75 تووشبوویێن دناڤ نه‌خۆشخانه‌یێن كورۆنایێ دا چاره‌سه‌ریێ وه‌ردگرن هه‌موو ژى ره‌وشا وان دژوار و مه‌ترسیداره.

د. موئه‌یه‌د ئه‌غالى، سه‌رپه‌رشتێ چاره‌سه‌ركرنا تووشبوویێن كۆرۆنایێ ل ساخله‌میا پارێزگه‌ها دهۆكێ راگه‌هاند؛ نها 75 تووشبووی دناڤ نه‌خۆشخانه‌یێن كۆرۆنایێ دا هه‌نه،‌ ژوانا ژى ره‌وشا 25 تووشبوویان باش نینه‌، كو هنده‌ك فاكته‌ر هه‌نه‌ كارتێكرنێ ل تووشبوویێن كۆرۆنایێ دكه‌ن له‌ورا ژى پشتى 14 رۆژان هێشتا هنده‌ك نیشانێن نه‌خۆشیێ بۆ ده‌مه‌كێ درێژ دمینن، ئه‌و ژی ژ به‌ركو تووشبوو ب دروستاهى چاره‌سه‌ریا خوە ناكه‌ن، هه‌كه‌ سیها نه‌خۆشی 70 بۆ 75 ژكار بكه‌ڤیت وهه‌ودانه‌ك تێدا دروست ببیت ئه‌ڤه‌ د بیته‌ ئاریشه‌ بۆ نه‌خۆشی، ژ به‌ركو هه‌ر دێ پێدڤى ئوكسجینى بیت “.

د. ئه‌غالی ئاشكه‌را ژى كر، نها یا ژهه‌موویێ گرنگتر ئه‌وە خه‌لكێ خوە بپارێزن، ژ به‌ركو كۆرۆنا گه‌له‌ك به‌لاڤبوویه‌ وحاله‌تێن مه‌ترسیدار زۆر دبن،  د به‌رامبه‌ر ژى دا رێژا مرنێ ژى زێده‌بیت، له‌ورا هوشداریێ ددەنه‌ خه‌لكێ خوە ب ته‌مامى پێگیریێ ب رێنمایێن ساخله‌میێ بكه‌ن.

زێده‌تر گۆت: حاله‌ت هه‌نه‌ كو دو جاران تووشى كۆرۆنایێ بوویه‌ هنده‌ك ژى هه‌نه‌ پشتى شه‌ش مه‌هان بۆ جارا دوێ تووشێ كۆرۆنایێ بوویه‌ كو رێژا تووشبوویان گه‌له‌ك زێده‌بوویه‌.

سه‌رپه‌رشتێ چاره‌سه‌ركرنا تووشبوویێن كۆرۆنایێ گۆت: ئه‌و تووشبوویێن ئوكسجینێ  وان نزم بیت بهێته‌ بن 90ێ دا  پێدڤیه‌ قه‌ستا نه‌خۆشخانێ بكه‌ن ئه‌ڤه‌ پتر نه‌خۆشخانى دهێنه‌ نڤاندن یێن بۆ وان جه‌لتا دلى دروست بیت یانژى ره‌بو هه‌بیت و تووشى كۆرۆنایێ بووینه‌ بێهنته‌گیى بۆ وان گه‌له‌ك چێبوویه‌ ئه‌ڤه‌ ژى نه‌خۆشخانێ دهێنه‌ نڤاندن نۆكه‌ بتنێ تووشبووین ره‌وشا وان دژوار و مه‌ترسیدار ل نه‌خۆشخانێ دهێنه‌ نڤاندن ب تایبه‌تى ژى هه‌كه‌ گوخك یان تایه‌كا زێده‌ هه‌بیت یان ژى بهنا وان  گه‌له‌ك ته‌نگ بیت ئه‌ڤه‌ پێدڤیه‌ قه‌ستا نه‌خۆشخانێ بكه‌ن بۆ وه‌رگرتنا چاره‌سه‌ریێ.