وه‌زیرێ به‌رگرییا توركیا: په‌كه‌كه‌ دده‌مه‌كێ كورت دا دێ ل شنگال و مه‌خموورێ لاوازبیت

وه‌زیرێ به‌رگرییا توركیا راگه‌هاند؛ چاڤه‌ڕێ دكه‌ن دده‌مه‌كێ گه‌له‌ك كورت دا ئه‌وا پێدڤى بیت بۆ لاوازكرنا په‌كه‌كێ بهێته‌ كرن.

خولۆسى ئاكار، وه‌زیرێ به‌رگرییا توركیا د ڤیدیۆ كۆنفراسه‌كى دا، ره‌خنێن توند ژ هه‌بوونا پارتا كرێكارێن كوردستانێ، په‌كه‌كێ ل شنگالێ و مه‌خموورێ گرتن و گۆت: ئه‌و چاڤه‌رێنه‌ د ده‌مه‌كێ كورت دا ئه‌وا پێدڤى بۆ لاوازكرنا په‌كه‌كێ بهێته‌ كرن.

گۆت ژی: ئه‌و ئۆپه‌راسیۆنێن ئه‌و دكه‌ن ژ پێخه‌مه‌ت سه‌قامگیریی و پاراستنا گه‌لێ توركیایه‌ و دێ د به‌رده‌وام بن.

نه‌رازیبوونا خوه‌ ژى ژ هه‌بوونا په‌كه‌كێ ل باشوورێ كوردستانێ ده‌ربڕى و دیار كر، ئه‌و ب هویرى چاڤدێرییا پێشهاتێن ده‌ڤه‌رێ دكه‌ن.

دیار ژى كر، ئه‌وان ئاماده‌ییا خوه‌ بۆ هه‌ر جۆره‌ هه‌ماهه‌نگییه‌كێ دگه‌ل برایێن خوه‌ یێن ئیراقى ده‌ربڕى یه‌ و ئه‌و د وێ باوه‌رێ دانه‌ ئه‌وا پێدڤى بیت ئیراق دێ ئه‌نجامده‌ت بۆ لاوازكرنا په‌كه‌كێ ل ده‌ڤه‌رێ.