رێڤه‌به‌رییا بازرگانى: د مه‌ها ره‌مه‌زانێ دا دێ بازارێن ب كۆم هێنه‌ دابینكرن

رێڤه‌به‌رییا بازرگانى ل وه‌زاره‌تا بازرگانی و پیشه‌سازییا هه‌رێما كوردستانێ راگه‌هاند، كو وان پلان هه‌نه‌ د مه‌ها ره‌مه‌زانێ دا ئه‌و ژى ب رێكا چه‌ند بازرگانانڤه‌ كو خوارنێن پێدڤى ب بهایێ كۆم بفرۆشنه‌ هاوه‌لاتییان، و دبێژیت، ل هه‌موو باژێران دێ بازاره‌كێ ناڤه‌ندى هه‌بیت و دێ یێ تایبه‌ت بیت ب وى بابه‌تى ڤه‌.
نه‌وزاد كامیل رێڤه‌به‌رێ وه‌زاره‌تا بازرگانی و پیشه‌سازییا هه‌رێما كوردستانێ بۆ مالپه‌رێ فه‌رمیێ پارتى راگه‌هاند، ب ئارمانجا كێمكرنا بهایى و هاریكاریكرنا وه‌لاتییان كه‌لوپه‌لێن خوارنا رۆژانه‌ ئه‌وێن ژ ده‌رڤه‌ دهێن و ب بهایێ كۆم بفرۆشنه‌ هاوه‌لاتییان.

گۆتى، بابه‌تێن پێدڤییاتێن رۆژانه‌یێن هاوه‌لاتییان وه‌كو برنج و ئار و چه‌ند بابه‌ته‌كێن دیتر و ب بهایێ كۆم كو دفرۆشن و مفایى نائێخنه‌ سه‌ر.

كامیل دیاركر ژى، كو نوكه‌ ئه‌م مژوویلى دابینكرنا جهاینه‌ بۆ بازاران و ئاماده‌كارییان دكه‌ن بۆ جێبه‌جێكرنا ڤێ پلانێ.