سه‌رۆك بارزانى د په‌یامه‌كێ دا ب هه‌لكه‌فتا وه‌غه‌را داویێ یا دادوه‌ر محه‌مه‌د ئه‌لعرێبى سه‌ره‌خوه‌شى ل مالبات و كه‌سوكارێن ناڤبرى كرن.
سه‌رۆك مه‌سعوود بارزانى د په‌یاما خوه‌دا ئاشكرا كر، ب مخابنى ڤه ده‌نگوباسێ وه‌غه‌ركرنا دادوه‌ر (محه‌مه‌د ئه‌لعرێبى) گه‌هشته وان كو ئێك بوو ژ دادوه‌رێن ئازا یێن پشكدارى د دادگه‌هكرنا تاوانبارێن رژێما به‌رێ یا ئیراقێ ب تایبه‌تى ئه‌وێن ده‌ست دگه‌ل تاوانێن ئه‌نفال و كیمیابارانا گه‌لێ كوردستانێ دا هه‌ین گه‌هشته مه.
سه‌رۆك بارزانى سه‌ره‌خوشیێن خوه ئاراسته‌ى مالبات و كه‌سوكارێن دادوه‌ر محه‌مه‌د ئه‌لعرێبى و دادوه‌رێن به‌رێز و ناڤه‌ندا دادوه‌رى و گه‌لێ ئیراقێ كرن و خوه ب هه‌ڤپشكێ خه‌ما وان دا زانین، ژ خودایێ مه‌زن ژى خواست گیانێ خودێ ژێرازى ل به‌هه‌شتا به‌رین شاد بكه‌ت و سه‌بر و هه‌دارێ ب هه‌موو لایه‌كى بده‌ت.
