نڤیسه‌رێ به‌رنیاسێ دهۆكێ خالد مه‌لا ئه‌حمه‌د دۆسكى ئه‌ڤرۆ رۆژا ئه‌ینى 2021/4/2 ل دهۆكێ وه‌غه‌را داویێ كر و ل گۆڕستانا گوندێ ئێكمالا عه‌لى گێنده‌لا هات ڤه‌شارتن.
نڤیسه‌ر خالد مه‌لا ئه‌حمه‌د دۆسكى، ل سالا 1942 ل گوندێ ئێكمالا عه‌لى گێنده‌لا ل ده‌ڤه‌را دۆسكی ژ دایك بوویه، ژ مالباته‌كا دیندار بووینه و باپیرێ وى مه‌لا عه‌لى مه‌لایێ گوندێ قارقارا‌ڤا بوویه، خالد ئه‌حمه‌د ل سالا 1962 چوویه به‌غدا و ل په‌یمانگه‌ها ساخله‌مى یا خوه‌پاراستنێ و ساخله‌میێ و ژینگه‌هێ خواندیه و ل سالا 1964 بوویه فه‌رمانبه‌ر ل هه‌ولێرێ دبیاڤێ چاڤدێری و تاقیكرنا ئاڤا ڤه‌خوارنێ دا، پشتى ڤه‌گه‌ریایه دهۆكێ بوویه كارمه‌ند ل سنورى یا ئیبراهیم خه‌لیل.
خالد ئه‌حمه‌د دۆسكى، ده‌سته‌كێ باشێ نڤێسینێ هه‌بوو ده‌مێ ل هه‌ولێرێ هنده‌ك هۆزان ڤه‌هاندینه ب هاریكاریا (مه‌تحه‌ت بێخه‌و) ل سالا 1972 ڤه‌گه‌ریا دهۆكێ، ل سالا 1987 ژ به‌ر هه‌لویستێن ویێن نه‌ته‌وه‌یى ماوێ شه‌ش هه‌یڤان ل ئه‌منا دهۆكێ و گه‌له‌ك دهێته ئه‌شكنجه‌دانێ و زیندانكرن، ل سالا 2006 دهێـه خانه‌نشینكرن.
ژ به‌رهه‌مێن خودێ ژێ رازى خالد مه‌لا ئه‌حمه‌د دۆسكى.
• به‌لاڤۆكا هیڤى یا مامۆستایێن كوردستانێ لق دهۆك ل سالا 1973 ل گه‌ل مامۆستا ئه‌حمه‌د زه‌رو 2006
• دیوانا ده‌سته‌بار ل سالا 2006 چاپكریه
• ئازرۆك و ئازرین ل سالا 2006 ناڤه‌ندا خانى بۆ چاپكریه
• سه‌ودا سه‌رى، ل سالا 2010 ب هاریكاریا ئێكه‌تیا نڤیسه‌رێن كورد چاپكریه
په‌رتووكه‌ك ل سه‌ر مێژوویا عه‌شیره‌تگه‌ریێ ل ده‌ڤه‌را به‌هدینان به‌رهه‌ڤكریه ویا ئاماده‌یه بۆ چاپكرنێ.
ئه‌ندامێ ئێكه‌تیا نڤیسه‌رێن كورد تایێ دهۆكێ بوویه.
بمخانی ڤه، ل شه‌ڤا ده‌ربازبوى ل ده‌مژمێر و 12 و 10 خوله‌ك وه‌غه‌را داویێ كر و ئه‌ڤرۆ سپێدێ 2/4/2021 ل گوندێ ئێكمالێ هاته ڤه‌شارتن.
خانى نیوز، سالار محه‌مه‌د دۆسكى:
