<h3><span style="font-size: 18pt;">پشتى سێ هه‌یڤان ژ دانوستاندنان، جڤاتا نوونه‌رێن ئیراقێ پرۆژه‌قانوونا بودجا سالا 2021ێ په‌سه‌ندكر، هه‌مى لایه‌ن چاڤه‌رێ نه برگه و ماده‌یێن قانوونى بجهبینن.</span></h3> <h3><span style="font-size: 18pt;">جڤاتا نوونه‌رێن ئیراقێ بله‌زه بۆ بجهئینانا بودجه‌ى، به‌رى ئه‌و قانوون د رۆژناما فه‌رمى دا بهێته به‌لاڤكرن ،ده‌ستهه‌لات دایه حكومه‌تێ بجهـ بینن.</span></h3> <h3><span style="font-size: 18pt;">ئه‌حمه‌د سه‌فار، بریارده‌رێ لیژنا دارایى ل جڤاتا نوونه‌ران راگه‌هاند، رۆژا ئێكشه‌مبى وه‌زاره‌تا دارایى یا ئیراقێ دێ ده‌ست ب ده‌ركرنا رێنمایان بۆ بجهئینانا قانوونا بودجه‌ى كه‌ت، ئاماژه ب هندێ ژى كر، هنارتنا پشكا بودجا كوردستانێ پێدڤى ب دانوستاندنێن ته‌كنیكییه.</span></h3> <h3><span style="font-size: 18pt;">د. بەشیر حەداد، جێگرێ سەرۆکی جڤاتا نوونه‌ران راگەهاند، دبیت هنارتنا پشكا هه‌رێما كوردستانێ هه‌یڤه‌كێ ڤه‌كێشیت.</span></h3> <h3><span style="font-size: 18pt;">هووركاتیێن پشكا هه‌رێما كوردستانێ د ماددێ11ێ یێ بودجا ئیراقێ دا په‌سه‌ندكریه، حكومه‌تا هه‌رێمێ پێگیره ب خه‌رجكرنا مووچێ فه‌رمانبه‌ران و قه‌ره‌بووكرنا وێ پشكا د چارچوڤێ وێ بودجا گشتى دیاركرى.</span></h3> <h3><span style="font-size: 18pt;">بودجا ئیراقێ ژ 130 ترلیۆن دیناران پێكهاتیه ،پشكا هه‌رێما كوردستانێ ژى 13.9%یه كو دبنه نێزیكى 11 ترلیۆن دیناران.</span></h3>
