نازم محەمەد عەلی، ڕێڤەبەرێ رێڤەبەرییا دەخل و دانی ل پاڕێزگەها دهۆکێ تایبەت بۆ خانی نیوز ڕاگەهاند، گەڕا 7ێ ژ پارێ جۆتیارێن دهۆکێ گەهشتە بانکا داسنییا یێن ڕۆژێن 27-6-2020 تا 1-7-2020 کو کۆژمەیێ 7 ملیار و 28 ملیۆن دینارن و ئەڤ کۆژمێ پارەی دێ ل دەمەکێ نێزیک دا هێتە بەلاڤکرن ل سەر بانکێن فەیدیێ کو 2 ملیار و 411 ملیۆن دینارن و زاخۆ 1 ملیار 516 ملیۆن دینارن و شێخان ژی 3 ملیار و 99 ملیۆن دینارن و ل حەفتییا بهێت ئەڤ پارە دێ گەهیتە بانکێن ناڤبری.
نازم محەمەد عەلی گۆت ژی، چەکێن پاره‌یێ گەڕا 8 و 9 یا شایستەیێن جۆتیارێن پارێزگەها دهۆکێ گەهشتینە ڕێڤەبەرییا بازرگانییا دەخل و دانی ل پاڕێزگەها دهۆکێ کۆژمەیێ ئێک ژ وان 4 ملیار دینارن و کۆژمەیێ دیژی 2 ملیار دینارن.
نازم محەمەد عەلی ل داویێ گۆت، بەریا نها 85 ملیار و 345 ملیۆن دینار ژ پاره‌یێ شایسته‌یێن جۆتیارێن پارێزگه‌ها دهۆكێ یێن سالێن 2014 و 2015 و 2016 گه‌هشتبوونە دەستێ وان و بەلاڤکرنا وان بەردەوامە و هەردەما بەلاڤکرنا وان ب دوماهی هات دێ دەست ب بەلاڤکرنا گەڕا 7 ێ کەن، گۆت ژی هێشتا پارە مایە ل دەف بەغدا و کۆژمەیێ وی ژی 24 ملیار و 53 ملیۆن دینارێن جۆتیارێن پاڕێزگەها دهۆکێنە.
