دهۆك.. 10 هزار ماسك و كه‌ره‌سته‌یێن خۆپاراستنێ ل سه‌ر خه‌لكێ هاتنه‌ به‌لاڤكرن

زێده‌تر ژ 10 هزار ماسك و كه‌ره‌سته‌یێن خۆپاراستنێ ل سه‌ر خه‌لكێ باژێرێ دهۆكی هاتنه‌ به‌لاڤكرن

ئه‌ڤرۆ ئێڤاری ب سه‌رپه‌رشتییا پارێزگارێ دهۆكێ د. عه‌لی ته‌ته‌ر و ب ئاماده‌بوونا قایمه‌قامێ قه‌زا دهۆكێ جه‌هوه‌ر عه‌لی ل پاركا نه‌ورۆز ل باژارێ دهۆكێ، ڕێڤه‌به‌رییا كۆچ و كۆچبه‌ران و به‌رسڤدانا قه‌یرانان ل پارێزگه‌ها دهۆكێ 10 هزار ماسك و كه‌ره‌سته‌یێن خۆپاراستنی ل سه‌ر خه‌لكێ پاریزگه‌ها دهۆكی به‌لاڤكرن.

مه‌نال محه‌مه‌د، ڕێڤه‌به‌را كۆچ و كۆچبه‌ران و به‌رسڤدانا قه‌یرانان ل پارێزگه‌ها دهۆكێ تایبه‌ت بۆ خانی نیوز ڕاگه‌هاند، پشتی به‌لاڤبوونا ڤایرۆسێ كۆرۆنایێ ل پارێزگه‌ها دهۆكێ و بۆ ڕێگریكرن ژ زێده‌تر به‌لاڤبوونا ڤایرۆسی د ناڤ خه‌لكی دا، وان ب فه‌ر دیت كو ب رێكا به‌لاڤكرنا ماسك و كه‌ره‌سته‌یێن خۆپاراستنێ هاریكارییا خه‌لكی بكه‌ن، هه‌ر ژبه‌ر ڤێ چه‌ندێ ژی ئه‌و رابووینه‌ ب ئه‌نجامدانا ڤێ هه‌وێ.
مه‌نال محه‌مه‌د گۆت ژی، پشتی به‌لاڤكرنا ڤان 10 هزار ماسك و ده‌ستگۆرك و به‌رچاڤكان وان ل به‌ره‌ ل قه‌زا و ناحیه‌یێن سه‌ر ب پارێزگه‌ها دهۆكێ ڤه‌ ڤان هه‌وان ئه‌نجامبده‌ن و ڤان كه‌ره‌سته‌یان ل سه‌ر خه‌لكی به‌لاڤبكه‌ن.

 

خانی نیوز، سه‌عد عاسف