جڤاتا نوونه‌ران ئه‌ڤرۆ دێ ده‌نگى ل سه‌ر بودجێ ده‌ت

جڤاتا نوونه‌رێن ئیراقێ ئه‌ڤرۆ دێ كۆم بیت و ده‌نگى ل سه‌ر پرۆژه‌قانوونا بودجا گشتی یا سالا 2021 یا ئیراقێ ده‌ت.

بریارە جڤاتا نوونه‌رێن ئیراقێ ئه‌ڤرۆ سه‌عه‌ت 3ێ ئێڤارى كۆم بیت و روونشتنا ئاسایى یا ژماره‌ 46یا وه‌رزێ یاسادانانا ئێكێ ل سالا یاسادانانا سێیێ خۆلا چوارێ هه‌لبژارتنێن خۆه‌ بكه‌ت.

ل دۆر به‌رنامێ كارێ كۆمبوونێ ژی، خالا سه‌ره‌كى، ده‌نگدانه‌ ل سه‌ر پرۆژه‌قانوونا بودجا گشتیى یا سالا 2021 یا ئیراقێ.

شه‌ڤا شه‌مبیێ، شاندێ حكومه‌تا هه‌رێما كوردستانێ بۆ چاڤدێریا پرۆسا ده‌نگدانێ ل سه‌ر پرۆژه‌قانوونا بودجێ، گه‌هشته‌ به‌غدا یا پایته‌ختێ ئیراقێ.